Launching di Cedehm nobo y lansamento di su servicio digital Oktober 20 2020

November 13, 2020

Centro di Desaroyo di Hende Muher, CEDEHM, ta anuncia cu pa por sigui brinda servicio na nos comunidad, ta lansa su servicio digital via e website: www.Cedehm.org y su Facebook Page:Cedehmaruba

CEDEHM den forma digital ta sigui brinda su servicio na nos comunidad Arubano  mesun profesional y servicial den un forma dinamico yegando mas cerca di e clientenan via nan celular of computer.CEDEHM ta e centro di Hende Muhernan cu tin un di su metanan pa duna caracter structural y duradero na proyectonan pa desaroya y fomenta mehoracion di e posicion di e hende muhe na Aruba. Asina creando igualdad na tur nivel entre generonan sin discriminacion, cu enfoke ariba e mehoracion di e posicion di e hende muher.

CEDEHM ta boga pa igualdad di genero y tin proyectonan di concientisacion dene area aki. Mundialmente y mas ainda den latino America y den Caribe epandemia di covid-19 a afecta e hende muhernan den un maneradesproporcional. Hincando nan bek den e rolnan tradicional di cuido cu no tanecesariamente genera entrada. E factor aki ta laga nos hende muhernan den posicionan sumamente vulnerabel y dependiente.Cu acceso online di CEDEHM ta bai sigui brinda atencion na e situacionan aki cu campañanan di concientisacion, pa cada miembro di e famia carga nan parti .Otro servicio ta inclui conseho huridico y social y of referi na e instancianan necesario.CEDEHM ta señala tendencianan actual, desaroya proyectonan y organisa campañanan di concienticacion. Importante tambe pa CEDEHM ta pa desaroya y implementa programanan di empoderamento cu “Mentorship Programs” riba varios tereno tanto social, educacion y finanzas.Ademas di e servicio online, CEDEHM ta sigui brinda su servicionan di entre otro: duna oido y guia na cliente atraves di un “walk-in basis”, sin cita adelanta.CEDEHM kier encurasha e forsa di flexibilidad y resistencia cual lo defini e hende muhe den futuro. Un comunidad fuerte ta ser crea door di cuidadanonan fuerte y empodera, cu ta duna e mihor di nan.

Scroll To Top