CEDEHM a start cu su workshop week pa hobennan di Formacion Social 7 pa 9 di December 2020
Cedehm a start cu su workshop week pa hobennan di Formacion Social dia 7 te cu 9 di December 2020.
Sra.Jeanine Tromp y Sra.Jahaira Valdez den samenwerking cu Formacion Social bou maneho di Sra.Jessica Ras a start sali cu e siman di workshop “Be My Best Self” pa hobennan di Formacion Social cu lo trata e tema di motivacion, empowerment y positivismo.
Riba e prome dia 7 di December 2020 e hobennan a sera conoci cu Cedehm sigui pa un introducion di nan mes y a goza di un tremendo charla di motivacion cu hopi interacion di Sra.Madeline Doulabi – Ridderstap.
Ariba e ultimo dia 9 di December 2020 Cedehm y Team a felicita e hobennan di Formacion Social cu a finalisa e workshop “Be My Best Self”cu exito y haya nan certificado. E hobennan a haya e siman interesante y a keda hopi inspira. Como clausura nan a haya un charla di Sr.Frank Kelly “Taki” cu a trata e tema desaroyo personal den forma creativo y nan a disfruta di un dushi plato hopi creativo y saludabel traha pa Sr.Kelly mes. Cedehm ta gradici tur su oradornan y Sra.Jessica Ras pa e tremendo cooperacion y Cedehm ta contento di por sigui aporta y traha den un forma estrecho cu Formacion Social- SVT.
